Një person është arrestuar në flagrancë gjatë kohës që tentonte të kalonte kufirin në mënyrë të paligjshme, me qëllim trafikimin e municioneve luftarake nga shteti Grek drejt Shqipërisë. Në pranga ka rëndë Gramoz Diko, 43 vjeç, banues në Yzberisht,Tiranë. Arrestimi i tij u bë ne fshatin Skorovodë të rrethit Kolonjë, kur po transportonte një sasi prej 505 copë fishekë dhe je krehër pistolete bosh të cilat i’u gjetën e sekuestruan në cilësinë e provës materiale. Municionet ishin të fshehura në çantën personale të tij. Sipas policisë Gramoz Diko dyshohet se i ka trafikuar këto municione nga shteti Grek dhe i ka kaluar drejt Shqipërisë, në mënyrë të paligjshme duke përdorur kufirin e gjelbër.