Anëtari i Këshillit të Lartë të Prokurorisë, Arben Dollapaj është shkarkuar nga detyra. Vendimi është marrë këtë të enjte nga Kolegji i Posaçëm i Apelimit dhe shkak janë bërë problemet me deklarimin e pasurisë.
Trupi gjykues i KPA përbëhej nga Ardian Hajdari kryesues, Luan Daci relator, Albana Shtylla, Rezarta Schuetz, Sokol Çomo anëtarë.
Dollapaj nuk ka deklaruar në mënyrë të plotë dhe të saktë vlerën e investimit të sipërfaqes ndërtimore, dhe destinacionin e shtëpisë në fshatin Valbonë të Tropojës.
Në seancën e zhvilluar më 4 shkurt në KPA, komisioneri Florian Ballhysa kërkoi hetimin e shtëpisë në Valbonë të prokurorit Dollapaj. Ballhysa tha se Bashkia e Tropojës nuk kishte leje ndërtimi të dhënë nga ish-Komuna Markgegaj.