Dështimi i kombëtares edhe në Izrael megjithe provën e mirë në fushën e lojës, ka sjellë pakënaqësi të mëdha në opinionin sportiv në Shqipëri dhe trojet shqiptare.

 

Ndonëse këtë herë kritikat ndaj trajnerit kanë qënë më të moderuara, sërish italiani mbetet për tifozët një nga fajtorët kryesore për këtë gjëndje së bashku me federatën. Këtë e vërtetojnë edhe përgjigjet në sondazhin e zhvilluar në 24 orët e fundit në faqen e web-it të Vizion Plus.

 

 

Pyetjes se kush është fajtori kryesor për situatën që po kalon kombëtarja kuqezi, rreth 43% e atyre që janë përgjigjur  mendojnë se problemi kryesor duhet të shihet tek federata dhe drejtuesi i saj, afro 30% ia delegojnë fajin trajnerit ndërsa 20% mendojnë se fajin e ka grupi i lojtarëve. Pjesa tjeter e pjesmarrësve në sondazh mendon se arsyet që kanë cuar në këtë gjëndje të kombëtares janë komplekse dhe nuk kanë vetëm një fajtor.

 

Pas disfatës në Izrael tani Shqipëria jo vetëm që e ka thuajse të pamundur vendin e parë në grup, por rrezikon seriozisht që ta mbylle ligën e kombeve në vendin e fundit dhe rrjedhimisht të zbresë në Ligën D. Mbetet per tu pare nese deshtimi i mundshem ne kete kompeticion do ta beje Duken te reflektoje ne lidhje me te ardhmen e Panuccit ne stolin e Shqiperise.

 

Leave a Reply

Your email address will not be published. Required fields are marked *