Kokëdhima: Pres zbardhjen e vendimit

Koço Kokëdhima ka reaguar në rrjetet sociale lidhur me vendimin e Gjykatës Kushtetuese që i heq atij mandatin e deputetit. Kokëdhima thotë se Kushtetuesja është ndikuar politikisht, por një koment të detajuar, shkruan ai do ta bëjë kur të dalë vendimi i arsyetuar. Ai thekson se pavarësisht heqjes së mandatit, rruga për të në politikë nuk përfundon këtu. Me apo pa mandat deputeti, unë do të punoj pa u reshtur për ju dhe për një Shqipëri më të mire. “Rruga ime në politikë nuk mbaron këtu. Ajo është vetëm në fillimet e saj”, përfundon Kokëdhima.