Kokainë në zyrë, shkarkohet nënkryetarja e komunës së Leposaviçit, nisin hetimet

Kryetari i Leposaviçit, komunës në veri të Kosovës, shkarkoi nga detyra nënkryetaren, Dragna Miletiq. Ky vendim vjen pas publikimit të pamjeve në mediat e Kosovës, ku nënkryetarja shfaqet duke konsumuar kokainë në ambientet e zyrës.

 “Shkarkimi nga detyra e nënkryetares sipas nenit 1 të këtij vendimi, bëhet për shkak të shkeljeve të rënda të punës dhe mosrespektimit të pozitës së saj si nënkryetare dhe mos përmbushjes së detyrave të punës”, thuhet në vendim e nënshkruar nga kryetari Hetemi.

Lexo edhe :

Related Posts

Kokainë në zyrë, skandali në komunën e Leposaviçit më i madh, gazetari paralajmëron në "7pa5": Do nxjerrim të tjera video

VIDEO/Nënkryetarja dhe stafi i komunës në veri të Kosovës shfaqen duke pirë kokainë në zyrë

Dragna Miletiq u shfaq në disa video që bënë xhiron e rrjetit, teksa konsumon lëndë narkotike në ambientet e zyrës apo tualetit në institucionin ku shërbente si nënkryetare e qytetarëve të Leposaviçit.

Po ashtu, lidhur me rastin kanë reaguar edhe organet kompetente. Prokuroria Themelore autorizoi Policinë e Kosovës që të ndërmarrë të gjitha veprimet e nevojshme për të hetuar rastin në fjalë./vizionplus.tv/