“Koha për debate ka përfunduar”/ Balla komenton largimin e opozitës nga Kuvendi

Kreu i grupit parlamentar të PS, Taulant Balla, në një prononcim për mediat, komentoi largimin e opozitës nga seanca plenare.

Ndërsa thekson se koha për debate dhe konflikte ka përfunduar, Balla shton se nuk gjen arsye në vendimin e opozitës për të braktisur seancën plenare.

“Duhet të ishte një seancë dakordësie e plotë. Subjektet miratojnë propozimet e tyre. Fryma e rregullores përcakton qartë se në këtë ditë s’mund të kemi debat me njëri tjetrin. Ajo që unë propozova ishte për t’i lënë më shumë kohë e hapësirë deputetëve të LSI të merrnin kohën e nevojshme. Shpresoj e besoj që edhe kjo ngjarje mos përsëritet më në seancat pasardhëse. Koha për debate e sherrnajë ka përfunduar. Kemi një mandat të rëndësishëm për të cuar përpara. S’mund të gjejmë arsye të paqena për të bërë debat apo të t’u larguar nga seanca plenare.”