Kodheli në ministerialin e NATO-s

Shqipëria shpreh angazhimin per te rritur kontributin ne misionet ndërkombëtare. Ne ditën e dyte te punimeve te ministerialit ne Bruksel, ministrja e mbrojtjes Mimi Kodheli deklaroi se vendi ynë është gati te rrisë numrin e ushtarakeve ne misionet e ndryshme. Shqipëria tha Kodheli, po ndjek me vëmendje situatën në Afganistan dhe mbetet e gatshme të rrisë kontributin me personel shtesë në misionin “Resolute support’. Ministrja theksoi se Shqipëria me një buxhet të mbrojtjes në rritje, mbetet e përkushtuar në zhvillimin e kapaciteteve të përbashkëta dhe ato kombëtare, në harmoni me procesin e planifikimit të mbrojtjes të NATO-s. Ajo shprehu mbështetjen për adresimin e disa elementëve të rëndësishëm, si lufta hibride dhe “elasticiteti” i aleancës për t’iu përshtatur ndryshimeve në ambientin e sigurisë.