“Hetime dhe arrestime”, kjo ka qenë tema e diskutimit në studion e “Quo Vadis” këtë të mërkurë në Vizion Plus, të moderuar nga Pranvera Borakaj.
Deputeti socialist Petro Koçi, deklaroi se arrestimet që po ndodhin në vend janë një lajm i mirë jo vetëm për Shqipërinë, por edhe për Partinë Socialiste, pasi për herë të parë në vend po bëhet drejtësi.
Ai tha gjithashtu se korrupsioni që akuzohen partitë vazhdimisht nuk është vetëm politik, por edhe një sëmundje shoqërore.
Sipas tij në Shqipëri përgjatë gjithë këtyre viteve pluralizëm, është parë që 25-vjeçarët bëhen drejtorë dhe më pas me makina luksoze.
Pjesë nga biseda:
Brahaj: Një drejtor që ka bërë gjithë ato zullume, mund të bëjë edhe arrest shtëpie. Ne kemi nëvojë për akoma,, për atë makinerinë që ka vënë në punë këta drejtorë. Korruptohen edhe njerëz që janë jashtë territorit të Shqipërisë.
Koçi: Problemi i korrupsionit nuk është vetëm politike, por dhe sëmundje shoqërore.
Brahaj: Mos na bëj sociologun.
Koçi: Po pse ne nuk jetojmë në Shqipëri. Në këtë vend janë ndërtuar modele skandaloze, 25 vjeç tjetri bëhet drejtor.
Brahaj: Ore janë bërë ministra.
Koçi: Pra modeli shoqëror është i gabuar. Nuk mund të themi që s’ka drejtësi.
Brahaj: Drejtori i Përgjithshëm i Policisë është arrestuar kur kryeministër ka qenë Ilir Meta.
Koçi: Pse meritë e Ilir Metës ishte.
Brahaj: Jo ne po themi që të mos kënaqemi vetëm me statistika.
Koçi: Vetëm tani po arrestohen zyrtarë të lartë.
