Ministri I Turizmit, Blendi Klosi ka njoftuar se 2758 qytetarë janë akomoduar në hotele pasi banesat e tyre janë dëmtuar nga tërmeti i 26 nëntorit.
I ftuar në studion e emisionit të mëngjesit 7pa5, në Vizion Plus, Klosi theksoi se banorët janë strëhuar në 18 hotele të ndryshme që janë kontraktuar nga qeveria.
“Që në datën 26 ne patëm një takim me grupin e hotelierëve dhe me drejtuesit e këtyre shoqatave negociuam për një listë të parë të hoteleve dhe tashmë janë plotë 18 hotele të cilët janë nënkontratim nga qeveria shqiptare për të sistemuar dhe mbrëmë numri ka arritur në 2758 qytetarë të akomodaur në zonën e Shnëgjinit Durrësit e Golemit, me banesa të dëmtuara nga të treja qarqet por krysisht nga Qyteti Durrësit zona përreth Durrësit, nga bashkia e Kavajës po ashtu dhe nga të treja bashkitë e veriut. Pra kemi 2758 banorë të sistemuar dhe pritet që ky numër të rritet.
Ministri shpjegoi edhe procedurën që duhet të ndjekin banorët që u janë dëmtuar banesat për t’u strehuar në hotele.
“Banorët të kenë jo vetëm mjete identifikimi por të kenë dhe një vërtetim nga pushteti vendor që janë banorë të kësaj zone dhe që banesa e tyre është dëmtuar.”
Klosi shprehu vlerësime për të gjithë hotelierët dhe për angazhimin e tyre për të strehuar banorët pas tërmetit.
“Deri në datën 30 kur u miratua vendimi I Këshillit të minsitrave I gjithë sistemi ka qenë vullnetar edhe I ofruar pa pagesë nga hotelierët. Duhet ta themi këtë sepse është një kosto shumë e madhe për ta, hapën hotelet, I risistemuan ata, pasi është një periudhë e mbyllur për hotelet, morën stafet në rekord që ditën e parë pas tërmetit.”
