Ministri i Turizmit dhe Mjedisit, Blendi Klosi vijoi turin e llogaridhënies me publikun në qytetin e Lushnjes teksa tha se ky rreth mund të shndërrohet në një pikë të ndërmjetme turistike përsa i përket agroturizmit, agropërpunimit dhe ofertave altenative turistike përvec bregdetit.
Kreu I turizmit dhe Mjedisit tha se për herë të parë këtë sezon turistik, Shqipëria do të ketë më shumë turistë sesa shtretër, ndaj duhet shtuar oferta turistike, duhet rritur shërbimi për të përballuar prurjet e turistëve të huaj.
“Nëse nuk kuptojmë që duhet t’i shërbejmë turizmit si industri nuk do të ecim përpara”
Ministri Klosi theksoi se qëllimi i dikasterit të tij është shndërrimi i Shqipërisë në një destinacion europian turistik dhe gjetja e një ekuilibri midis zhvillimit të qëndrueshëm të turizmit dhe mbrojtjes së qëndrueshme të Mjedisit. Për këtë janë ndërmarrë shumë masa për të ndryshuar situatën mjedisore, sic është edhe rasti I mbylljes se guroreve ne malin e Tomorrit por edhe ne Urën Vajgurore.
“Në asnjë rast nuk jemi kundër biznesit por në cdo rast jemi në raport të drejtë me interesin e qytetarëve.”
Ministri Klosi iu beri apel qytetareve qe cdo shqetesim qe kane ta adresojne në platformën e bashkëqeverisjes per zgjidhje te shpejte dhe korrekte.
