Në vazhdën e takimeve në Panairin e turizmit në Madrid, Shqipëria, si pjesëmarrëse u soll në vëmendje për ndikimin e industrisë turistike në përballimin e situatës të krijuar nga tërmetet.
Gjatë takimit, Ministri Blendi Klosi, tha se ky sektor është një ndihmesë për një ekonomi të qëndrueshme në vend.
Ai vlerësoi rëndësinë e turizmit në lehtësimin e gjendjes së rënduar post tërmetit të nëntorit.
BLENDI KLOSI
MINISTER I TURIZMIT DHE MJEDISIT
“Ne si Shqipëri prezantuam rastin e jashtëzakonshëm të sistemimit të qytetarëve të dëmtuar nga tërmeti i datës 26 nëntor nëpër hotelet shqiptare, duke dëshmuar se industria e turizmit është një industri, e cila është se bashku me industritë e tjera është aty për të ndihmuar, jo vetëm për të krijuar më shumë vende pune për të krijuar më shumë ekonomi, por natyrisht për të mbështetur gjithnjë e më shumë ekonominë edhe zhvillimet e qëndrueshme në vendet tona.”
Ndërsa Drejtoresha Rajonale për Europën, Alessandra Priante vlerësoi iniciativat e ministrisë së turizmit në Shqipëri.
ALESSANDRA PRIANTE
DREJTORESHA RAJONALE PER EUROPEN UNWTO
“Ne erdhëm si organizatë dhe u mrekulluam jo vetëm nga forca e iniciativës, por dhe nga përgjigja e shpejtë që Shqipëria mundi të merrte nga vendet fqinje dhe jo vetëm. Gjithashtu, ne jemi shumë të impresionuar nga njerëzi nga sektori privat dhe publik, të cilët u bënë bashkë kaq shpejt. Unë jam italiane dhe si mund ta dini dhe ne në Itali vuajtëm pasojat e një tërmeti dhe të shikosh Shqipërinë që e mori veten kaq shpejt dhe ishit kaq të bashkuar, që në natën e tërmetit, më emocionoi dhe ndonjë herë uroj vërtet, që dhe ne të jemi pak shqiptarë”
Ministri Klosi tha që në Shqipëri pritet të rritet numri i turistëve, si spanjollë, por edhe të vendeve më të largëta.