Ministri i Turizmit dhe Mjedisit, Blendi Klosi këtë të hënë në kuadër të fushatës “krijoO2tënd”, ka zhvilluar një takim me , ekspertizën profesionale të inxhinierëve me eksperiencë të pyjeve dhe të inxhinierëve të rinj, që do të diplomohen në universitetin Bujqësor të Tiranës.
Ministri Klosi në fjalë e tij me studentët ka kërkuar nga të rinjtë që të përfshijnë mjedisin në diplomat e tyre, duke i premtuar gjithashtu që agjencitë e zonave të mbrojtura do të jenë në dispozicion për praktikat e tyre mësimore.
“U bëj thirrje të hapur për të gjithë ju studentët që doni që një pjesë të praktikave mësimore t’i bëni pranë agjencisë së zonave të mbrojtura në të gjithë Shqipërinë, në të 61 bashkitë , do të hapet një thirrje publike për studentët , për të qenë pjesë e punës kërkimore shkencore për të kuptuar se përse ne themi që zona e malit të dajtit është zonë e mbrojtur. Cila është harta reale, ajo ëthë akoma e viteve 68- 70, por ama ka zona të cilat duhet të dalin nga zonat e mbrojtura”, u shpreh ministri Klosi. Ministri Klosi tha se qeveria parashikon një paketë konkrete për zonat e mbrojtura, me një buxhet të dedikuar, që për herë të parë do të vijë me skeda reale, me një analizë të detajuar për të kuptuar se pse është zonë e mbrojtur ose pse duhet të hiqet nga kjo listë. #krijoO2tënd është kryefjala e fushatës më të re të ministrisë së Turizmit dhe Mjedisit, në këtë sezon të ri mbjelljesh. #krijoO2tënd për një mjedis më të pastër, për të mbrojtur mjedisin, zonat e mbrojtura dhe për një “Shqipëri të Gjelbër”.
Gjithashtu në këtë bashkëbisedim ministri është shprehur se institucioni që ai drejton ka hartuar një plan të detajuar masash dhe aktivitetesh për ti dhënë mundësinë të gjithë atyre që e duan natyrën dhe mjedisin, të mbjellin pemë, qoftë edhe 1 fidanë, dhe të marrin pjesë në bisedat konstruktive që do të bëhen për pemët, pyjet në 100 ditët e ardhshme aktivizim social.
