Nje moment historik per gratë e cilësoi Hillary Clinton sigurimin e kandidimit te saj per presidente te SHBA. Duke e vendosur kete arritje ne kontekstin e lëvizjes se grave per te drejtat e tyre, ish-sekretarja e Shtetit përdori nje metafore përpara mbështetësve. Ajo tha se tashme është thyer çatia e qelqte, qe hap mundësitë per femrat.

Hillary Clinton: Fale jush, ne vendosem nje gur themeli. Fitorja nuk i përket vetëm nje personi, por nje gjenerate grash dhe burrash qe jane përpjekur dhe kane sakrifikuar per ta bere te mundur kete moment.

Clinton behet kandidatja e pare femër ne historinë amerikane qe siguron kandidimin nga nje parti e madhe. Ne 6 shtetet e fundit ku u votua te martën Clintion fitoi Dakoten e Jugut dhe Nju Meksikon dhe pret fitore ne Kaliforni. Rivali i saj Bernie Sanders fitoi ne Montana dhe Dakoten e Veriut. Ndonëse Clinton ka siguruar numrin e nevojshem te delegateve, Sanders ka premtuar te vazhdoje luftën.

 

Leave a Reply

Your email address will not be published. Required fields are marked *