Klinton e Trump pritet të forcojnë pozitat si kandidatë

Qytetarët amerikanë votojnë sot në pesë shtetet verilindore në SHBA, të cilat pritet të konsolidojnë pozitat e dy kandidatëve kryesues të të dyja partive, Donald Trump nga republikanët dhe Hillari Klinton nga demokratët. Procesi i votimit mbahet në Konektikat, Delawer, Merilend, Pensilvani dhe Rhode Island. Në radhët e republikanëve Trump ka përballë rivalin më të fortë Ted Kruz ndërsa Kltinton garon me Berni Sanders. Nëse edhe këto zgjedhje forcojnë pozitat e tyre, Klinton dhe Trump pritet të jenë kandidatët e dy partive në zgjedhjet presidenciale që do të mbahen më 8 nëntor në SHBA.