Klinton e Tramp triumfojnë votimin e “Super të Martës”

Kandidatja Hillari Klinton në radhët e demokrateve dhe Donald Trump nga republikanët, janë dy fituesit e mëdhenj të procesit zgjedhor në të ashtuquajturën votimi i “Super të martës” në gjithsej 15 shtete. Ish-Sekretarja Amerikane e Shtetit ka triumfuar në të paktën 8 shtete, mes të cilave Alabama, Virxhinia, Teksas e Masacusets, ku sipas analistëve, një impakt të rëndësishëm në këtë rezultat ka patur vota e qytetarëve me ngjyrë. Ndërkohë, rivali më i fortë i Klinton, kandidati demokrat Berni Sanders ka firuar në 4 shtete. Në kampin republikan është konfirmuar fitorja e manjatit Donald Trump në të paktën shtatë shtete, mes të cilëve në Alabama, Virxhina, Tenesi, Vermont e Arkansas. Pas këtij votimi, Trump theksoi se ai ka rritur numrin e mbështetësve të Partisë Republikane ne këto vende. Ndërsa rivali i tij më i fortë Ted Kruz ka fituar në Teksas, Oklahoma dhe Alaska. Me këto rezultate, duket se Trump nga republikanet dhe Klinton nga demokratët, po projektohen për të garuar së bashku në zgjedhjet presidenciale të këtij viti që do të zhvillohen në nëntor.