Kina siguron 100 milion doza të vaksinës BioNTech

Një kompani farmaceutike kineze ka njoftuar se firma gjermane BioNTech është pajtuar që vitin e ardhshëm t’i dorëzojë Kinës 100 milionë doza të vaksinës kundër COVID-19.

Për furnizimin fillestar të 50 milion dozave, Fosun do të bëjë një paradhënie në BioNTech prej 250 milion euro (303.80 milion dollarë. Prodhuesi gjerman i vaksinave do të sigurojë jo më pak se 100 milion doza për Kinën deri në fund të vitit 2021, tha Fosun në një deklaratë.

Vaksina e zhvilluar nga BioNTech dhe partneri amerikan Pfizer Inc është administruar për publikun në Britani dhe Shtetet e Bashkuara dhe ka marrë miratimin e përdorimit emergjent në disa vende të tjera.