Ekonomia e Kinës ka pësuar rritje në tre muajt e fundit duke hedhur poshtë parashikimet e bëra për tre mujorin e parë të këtij viti.
Shifrat zyrtare të bëra publike këtë të mërkurë treguan se ekonomia u zgjerua në 6.4% në tremujorin e parë krahasuar me parashikimin e bërë nga Reuters prej 6.3%.
Pas ngadalësimit të rritjes ekonomike, Pekin zyrtar ka marrë masa duke përfshirë dhe uljen e taksave me qëllim që të mos zgjerojë borxhin publik.
Por nga ana tjetër Kina, sipas BBC, po përballet edhe me një kërkesë të ulët globale në lidhje me produktet e saj si dhe më një luftë tregëtare me SHBA.
Shkalla e rritjes së Kinës është e ndjekur nga afër për efektin e mundshëm të goditjes në ekonominë globale.
