Kimmich flet për kontratën e tij me Bayern
Joshua Kimmich pritet të marrë vendimin final për të ardhmen e tij sot ose nesër. Mediat gjermane raportojnë se ai nuk do të presë asnjë ditë më shumë.
Ende nuk dihet se cili është vendimi i tij, por një gjë u kuptua fare qartë mbrëmë. Ai ka hatërmbetje për publikimin e lajmit në media lidhur me faktin se Bayern pak ditë më parë tërhoqi ofertën e rinovimit.
Klubi bavarez mendon se paga e ofruar ishte tejet e lartë dhe kjo e ka bezdisur mesfushorin gjerman. “Sigurisht që lajmi i tërheqjes së klubit u bë publik, por kjo nuk ndikon në komunikimin tonë”, tha Kimmich.
“Më besoni se nuk jam duke diskutuar për disa euro më shumë apo më pak. Nuk po e shtrydhim bisedën në këto aspekte”, sqaroi ai më tej, duke dashur të theksojë se nuk janë paratë problemi.
