Grabitja në Paris duket se ka lënë shenja, të cilat nuk mund të harrohen lehtë, në jetën e Kim Kardashian. Edhe njëherë, ylli i reality show “Keeping Up with the Kardashians”, ka zbuluar në puntatën e djeshme se frika e saj më e madhe ishte se mos grabitësit e përdhunonin. Kim tregon se besonte se atë natë do ta përdhunonin dhe vrisnin.

 

 

Ai më kapi këmbët dhe nuk kisha veshur asnjë rrobë në trup. Më shtyu drejt krevatit dhe në atë moment mendova se do të më përdhunonte. E përgatita veten për më të keqen që mund të ndodhte, por ai nuk e bëri. Më pas nxori armën dhe gjëja e parë që më shkoi ndërmend  ishte se ai do të më vriste”,- ka rrëfyer Kim mes lotësh. U luta vetëm që Kourtney të mund të kishte një jetë normale pas traumës që do të përjetonte kur të shihte trupin tim të vdekur në krevat. Mendova se nuk do t’ia dilja”.

 

 

 

Kim gjithashtu tregoi se pasi i vodhën një sërë bizhuterish, grabitësit  i kërkuan edhe para,  por ajo nuk kishte me vete. Pesë burra të armatosur dhe të veshur si policë i vodhën tetorin e kaluar seks-simbolit bizhuteri që shkojnë në një vlerë rreth 12 milionë. Pavarësisht vlerës së madhe, padyshim kjo ngjarje është një nga më të tmerrshmet në jetën e Kim, që përveçse e ka bërë të jetë mirënjohëse për jetën,  e ka bërë të ndihet e bekuar dhe të vlerësojë gjithçka që ka.

Leave a Reply

Your email address will not be published. Required fields are marked *