Pas një klime tejet pozitive të marrëdhënieve mes Koresë së Veriut dhe SHBA-ve, vendi komunist ka surprizuar me vendimin më të fundit për të anuluar bisedimet me Jugun, të cilat ishin planifikuar të mbaheshin ketë te mërkure në shtëpinë e paqes. Gjithashtu Pheniani ka kërcënuar se edhe takimi i shumëpritur Trump-Kim Jong Un në muajin qershor, është në rrezik.
Në një deklaratë të transmetuar nga Agjencia Shtetërore e Lajmeve, zëvendësministri i parë i punëve të Jashtme tha se Pheniani do të detyrohet të rishqyrtojë nëse do të marrë pjesë në takimin e 12 qershorit në Singapor, nëse Shtetet e Bashkuara vazhdojnë të kërkojnë që regjimi të braktisë armët e tij bërthamore ne mënyre te njëanshme. Bisedimet e nivelit të lartë të planifikuara për të mërkurën me Korenë e Jugut, u anuluan papritmas nga Pheniani, i cili ju referua stërvitjeve aktuale të përbashkëta ushtarake të Shteteve të Bashkuara me Korenë e Jugut.
Agjencia e Lajmeve bëri të ditur se me stërvitjen që përfshinte mbi 100 avionë luftarakë, bombarduesit strategjik “B-52” “ka për qëllim nisjen e sulmeve kundër Koresë së Veriut.
Ndërsa Pentagoni e përshkroi stërvitjen si të zakonshme ndërmjet Koresë së Jugut dhe Shteteve të Bashkuara. Nga ana tjetër, zëdhënësja e departamentit amerikan të shtetit, Heather Nauert, tha se Uashingtoni do të vazhdojnë me planet për takimin me Kim Jong Un.
