Khan: Protestat kundër Trumpit, paqësore

Kryetari i Londrës, Sadiq Khan ka thënë se Protestat në Londër kundër vizitës së presidentit amerikan, Donald Trump duhet të jenë “paqësore”.

“Mesazhi im për ata që protestojnë në Londër është që ato duhet të jenë paqësore. Ata që kanë qëllim shkaktimin e problemeve dhe shkeljen e ligjit, unë iu them se nuk janë të mirë se ardhur”.

Khan, anëtar i Partisë Laburiste, që aktualisht është në opozitë, më herët ka pasur përplasje me Trumpin, duke thënë se protestat kundër tij nuk janë kundër Amerikës dhe në vend të saj banorët e Londrës kanë treguar pakënaqësitë e tyre për për politikat e “frikës dhe dëshpërimit”.