Udhëheqësi suprem i Iranit, Ajatollah Ali Khamenei, fajësoi presidentin e SHBA-së, Donald Trump, për inkurajimin e protestave në vend, të cilat sipas tij kanë shkaktuar mijëra viktima.
Sipas mediave shtetërore iraniane, Khamenei e bëri Trumpin përgjegjës për dhunën, duke e quajtur fajtor “për viktimat, dëmet dhe shpifjet që i shkaktoi kombit iranian.”
Një zyrtar iranian vlerësoi se numri i verifikuar i të vrarëve është 5,000, sipas një raporti të Reuters të dielën. Aktualisht, vendi ndodhet nën një bllokadë interneti, gjë që e vështirëson marrjen e informacionit nga brenda Iranit mbi shtypjen e protestave të përhapura.
Agjencia amerikane Iranian Human Rights Activists News Agency njofton se 3,308 persona kanë vdekur dhe konfirmon rreth 24,000 arrestime.
Protestat nisën në fund të dhjetorit për shkak të shqetësimeve ekonomike dhe që nga atëherë janë përshkallëzuar, me shumë protestues që kërkojnë dorëheqjen e Khamenei.
Ndërkohë, Trump deklaroi për Politico të shtunën se “Është koha të kërkohet një udhëheqje e re në Iran.”/vizionplus.tv
