Astrit Ademi, u bë personazhi më i përfolur i orëve të fundit në mjedisin politik në vend teksa ai ishte këshilltari që propozoi nderimin e Ramës në titullin “Qytetar Nderi” i Peshkopisë.
Ai e vlerësoi këtë iniciative si falenderim ndaj kryeministrit për punën që po bën për përfundimin e rrugës së Arbrit që ka shumë rëndësi për dibranët.
Por ndonëse Rama e refuzoi një titull të tillë, këshilltari I pavarur I Bashkisë së Dibrës ka vendosur të mos dorëzohet.
Ai paralajmeroi këtë të mërkurë në një interviste për mediat se në momentin që do të përfundojë rruga, ai do ti bëjë Ramës një bust me leket e veta. Ademi thotë se kjo është më e pakta që mund të bëjë populli dibran për një rrugë që është shpëtimi I kësaj zone.
“E para është se kjo rrugë ka 28 vite që gënjejnë udhëheqësit dhe më në fund Rama e premtoi edhe unë i kam thënë shprehimisht që ‘Do ta na gënjesh edhe ti si gjithë të tjerët. Faktikisht ai nuk ka gënjeu. As kam bërë bisedë me stafin e kryeministrit, as më stafin e Bashkisë. Ajo ishte një ide personale e imja si këshilltar i pavarur. Është një mirënjohje e popullit të Dibrës për atë rrugë që ne e kemi pasur ëndërr. Unë do të thosha edhe një gjë tjetër për këtë, që ditën kur ta mbarojë do t’i bëj një bust Ramës, jo kryeministrit por Edi Ramës. Ku të jetë më i përshtatshëm do t’i bëj një bust me paratë e mia. Sepse është një tmerr të nisesh për Tiranë është tmerr për çdo dibran”.
Ndonëse Këshilli Bashkiak i Dibrës e shpalli ‘Qytetar Nderi’ kryeministrin Edi Rama me motivacion për kontributin e dhënë për ndërtimin e Rrugës së Arbrit, kreu i qeverisë e refuzoi titullin.
Ai falenderoi Këshillin Bashkiak për vlerësimin, por tha se ka qenë gjithmonë kundër titujve.
