Kerry, homazhe në Hiroshima

Nga Hiroshima, qyteti ku ne vitin 1945 amerikanet hodhën bombën e pare atomike, sekretari i Shtetit John Kerry përcolli mesazhin e rendesishem te çarmatimit bërthamor. Ai ndodhet ne nje vizite historike, si sekretari i pare amerikan i Shtetit, qe viziton qytetin ku gjeten vdekjen 140 mije njerëz e ku zyrtaret amerikane i kane shmangur udhëtimet. Ne memorialin e Hiroshimes, i shoqëruar edhe nga Ministrat e Jashtëm te grupit G7, Kerry vendosi kurora me lule dhe mbajti nje minute heshtje. Vizita vijoi ne muzeun e Hiroshimës, që tregon historitë personale të viktimave. Por ashtu siç paralajmëroi departamenti i Shtetit, Kerry nuk kerkoi falje per bombardimet e 71 viteve me pare. Ne librin e mesazheve ai shkroi se Hiroshima ishte një kujtesë e zymtë jo vetëm e detyrimeve për t’i dhënë fund kërcënimit të armëve bërthamore, por edhe për të përqendruar përpjekjet në shmangien e luftërave.
Në 8 e 10 me oren lokale, në 6 gusht të vitit 1945, nje avion bombardues B-29 lëshoi mbi Hiroshimë një bombë me uranium të pagëzuar me emrin “Djali i vogël”. 70 mijë persona humbën jetën menjehere. Në fund të vitit, bilanci i viktimave arriti në 140 mijë, pasi shumë të tjerë vdiqën si pasojë e plagëve të marra dhe efektit të rrezatimit. Tre dite me pas një bombë e dytë u hodh ne Nagasaki, duke detyruar Japoninë të dorëzohet, çka shenoi fillimin e fundit të Luftës së Dytë Botërore.