Ish-deputetja e LSI, Floida Kërpaçi akuzoi qeverinë për papërgjegjshmëri me maturantët. Përmes një postimi në “Facebook”, Kërpaçi tha se kjo situatë, ku të rinjtë trajtohen për eksperimente, duhet të marrë fund.
“Kur të paaftët dhe të papërgjegjshmit drejtojnë i shkatërrohet e ardhmja një brezi të tërë! Janë aq të pafytyrë sa pranojnë se me ligësi qëllimisht kanë zgjedhur ato pyetje! Qëllimi dihet, të shkatërrojnë të ardhmen e të rinjve që të largohen sa më parë nga vendi ynë! Matura Shtetërore, një eksperiment i përvitshëm me të ardhmen e të rinjve dhe sakrificën e tyre që duhet të marrë fund! Kjo është arsyeja pse rinia largohet në emigrim, kjo është arsyeja pse sot nuk ka zhvillim, kjo është arsyeja pse sot mbizotërojnë ANTIVLERAT! Për këtë padrejtësi që u është bërë maturantëve, duhet të vendoset drejtësi dhe të gjithë të mbajnë përgjegjësi!”
Maturantët u ngritën në protestë për të kundërshtuar testimin e Gjuhë-Letërsisë, pasi sipas tyre, pyetjet ishin abstrakte dhe nuk kishin lidhje me mësimet e bëra.
