Lideri i opozitës Lulzim Basha ka dale para medias per t’iu kundërpërgjigjur rivalit politik Edi Rama, duke i bere te qarte se nuk mund te tërheqë vëmendjen e qytetareve drejt deklaratave te Sali Berishës, kur ngjarja me e rende ne vend është lidhja e politikes me krimin. E per kete arsye, Basha ka folur vetëm per Emiljano Shullazin dhe favorizimin e tij nga qeveria.
I ka lënë Emiliano Shullazit territore të tëra në dispozicion për të mbjellë hashash, i ka ofruar postet kyçe në polici e dogana dhe sot kapet pas një deklarate, një qëndrimi që nuk është as vendim dhe as nisëm, por është një propozim për gjendjen e tmerrshme kriminale me shpresën që do të fshijë Shullazin nga memoria e njerëzve. Një mision i dëshpëruar, një mision i pamundur sepse njerëzit e dinë mirë se Shullazi, krimi ishin zgjedhja e tij e parë. Ishin zgjedhja që bëri për të ardhur në pushtet.
Kryetari i Partisë Demokratike e ka akuzuar kryeministrin Rama per lidhje me Emiljano Shullazin; duke theksuar se arrestimi i tij u be i mundur fale punës se prokurorisë dhe partnereve ndërkombëtare.
Gjithë Tirana e di. Tani po e merr vesh gjithë Shqipëria si bëhesh pronar në shtetin Rama-Tahiri-Shullazi, si bëhesh pasanik në shtetin Rama-Shullazi-Tahiri: duke grabitur me armë në dorë, duke gjobitur me armë në dorë, duke kërcënuar qytetarët, pronarët, biznesmenët, nëpunësit o jetën o pronën, o firmën o pronën o plumbin. Vollga është monumenti kriminal i vendit, ku Edi Rama ka dorën e tij. Vollga është turpi, shëmtia, simboli i rënies së shtetit, i banditit që është mbi ligjin, por kjo vetëm e vetëm me ndihmën dhe përkujdesjen e Edi Ramës.
Sipas Bashes janë lidhjet e qeverise me krimin arsyeja qe Rama po bllokon reformën ne drejtësi.
Është pikërisht kjo rënie në krim, kjo bashkëjetesë e përditshme e Edi Ramës me krimin, burimi kryesor i të keqes në vend, i varfërisë së skajshme të qytetarëve, i grykësisë pafund të qeveritarëve dhe banditëve të tyre. E për këtë dhe vetëm për këtë, ai ka ndaluar reformën në drejtësi. E ka vonuar e ka tërhequr zvarrë për dy vite. Ka vonuar ngritjen e Byrosë Kombëtare të Hetimit sepse e donte nën kontroll e donte ta drejtonte bashkë Shullazin.
Per liderin e opozitës Lulzim Basha, reforma në drejtësi ka nisur me shenjën e mirë, të goditjes së bandës më të dashur për Edi Ramën dhe Tahirin duke paralajmëruar se te tjerë do pësojnë te njëjtin fat.
