Vendimi që Sali Berisha të ndjekë seancat plenare si deputet i Kuvendit nuk u mor sot.
Në Gjykatën e Posaçme, gjyqtarja Irena Gjoka shtyu seancën për në datën 8 shkurt për shkak se ky ankimim ishte firmosur nga vajza e ish- kryeministrit, Argita Berisha dhe jo nga vetë ai.
Lexo edhe :
Related Posts
Mbrojtësi i tij thotë se gjykata po bën truke ligjore për t’i djegur mandatin Sali Berishës.
“E gjithë shtyrja e seancës është për të vonuar (siç caktoi edhe datën pas 10 ditësh) për të vonuar gjykimin e kësaj kërkese, sepse i vetmi qëllim i kësaj gjykate dhe i politikës që fshihet pas saj është djegia e mandatit të deputetit të z. Berisha. Ajo është shtyrë për në datën 8 shkurt, të shikojmë se ç’marifet tjetër do të nxjerrë gjykata. Sot ishte një qëndrim jo me dy standarde, por i shtatëfishtë.”
Të njëjtin mendim avokati i ish- kryeministrit e ka mbajtur edhe ditë më parë kur me 25 janar, Sali Berisha u izolua në shtëpi edhe me vendim të Apelit të Posaçëm.
Ai ka paralajmëruar rekurs të vendimit të kësaj mase sigurie në Gjykatën e Lartë.
Ndërsa për herë të parë, me 23 janar Berisha përball me oficerët e Byrosë Kombëtare të Hetimit dhe prokurorëve që po e hetojnë, Arben Kraja dhe Enkeleda Millonai.
Ata dyshojnë se Berisha ka kryer korrupsion pasiv, duke favorizuar dhëndrin e tij në procedurat e privatizimit të ish-kompleksit sportiv Partizani, përmes nxjerrjes së akteve nënligjore përgjatë mandatit të parë të qeverisjes së tij./vizionplus.tv/
