Një 61 vjeçar ka rënë në prangat e policisë pasi akuzohet se ka ushtruar dhunë fizike ndaj gruas së tij.
Informacionet bëjnë me dije se shtetasi F. B. ka shkelur urdhrin e mbrojtjes dhe kërcënon me thikë për vrasje bashkëshorten, në banesë.
Pas njoftimit të marrë se shtetasi F. B. kishte shkelur urdhrin e mbrojtjes dhe kishte shkuar në banesën e bashkëshortes dhe pasi ka ushtruar dhunë fizike dhe psikologjike e ka kanosur me thikë për ta vrarë, shërbimet e Komisariatit Nr. 2 kanë reaguar menjëherë duke parandaluar ngjarjen dhe duke vënë në pranga 61-vjeçarin.
Bashkëshortja e këtij shtetasi ishte e pajisur me urdhër mbrojtje nga Gjykata, pasi 61-vjeçari kishte ushtruar në mënyrë të përsëritur dhunë fizike e psikologjike ndaj saj.
Gjithashtu policia ka sekuestruar një mjet prerës(thikë), me të cilën ka kanosur bashkëshorten.
