Një 40-vjeçar u arrestua këtë të martë nga Policia e Pogradecit pasi akuzohet se ka kanosur një person.
Sipas njoftimit të policisë, shtetasi Xh. T., bashkë me tre persona të tjerë kanë kërcënuar një 47-vjeçar që të mos dëshmojë në gjyqin kundër një të afërmi të tyre.
Teksa 40-vjeçari u prangos, bashkëpunëtorët e tij I. B., F. B. dhe M. B. u shpallën në kërkim. Ata po ashtu kanë kundërshtuar edhe forcat e policisë gjatë ushtrimit të detyrës.
