Kërcënimi i Koresë së Veriut: Do sulmojmë sërish me raketa në ishujt e Paqësorit

Koreja e Veriut kërcënon se do të hedhë raketa të tjera mbi Paqësor, duke kërcënuar Shtetet e Bashkuara të Amerikës.

Televizioni Shtetëror Korean ka theksuar se lëshimi i raketës mbi Japoni, ishte vetëm hapi i parë i sulmeve të saj ushtarake.

Në këtë njoftim thuhej se ishulli Guam ishte objekti i radhës për tu pushtuar.

Ky paralajmërim vjen pak pasi Këshilli i Sigurimit të Kombeve të Bashkuara ka dënuar unanimisht aktin e lëshimit të raketës balistike.

Në këtë rezolutë të miratuar thuhej se aktiviteti korean po përbën një kërcënim për të gjithë vendet e botës. Rezoluta u mbështet edhe nga Kina e Rusia.