Kërcënimet për sulme terroriste, anulohen koncertet e Taylor Swift në Austri

Tre koncerte të këngëtares Taylor Swift u anuluan pas dyshimeve për një sulm në Vjenë. Ato do të mbaheshin për tre ditë me radhë nga e enjtja në të shtunë në stadiumin “Ernt Happel”.

Anulimi pasoi njoftimet se dy ekstremistë të dyshuar u arrestuan në Austri, njëri prej të cilëve duket se po planifikonte sulmin.

Lexo edhe :

"Po luante me idetë e tij", avokatja e 19-vjeçarit mbron klientin e saj: Nuk do kryente sulm në koncertin e Taylor Swift, bomba s’do të funksiononte

Planifikuan sulm në koncertin e Taylor Swift, dy të arrestuar në Austri! Një prej tyre nga Maqedonia e Veriut

Drejtori i sigurisë publike në ministrinë e Brendshme të Austrisë Franz Ruf tha se i dyshuari kryesor një 19-vjeçar, i cili u prangos në jug të Vjenës ishte betuar për besnikëri ndaj grupit Shteti Islamik. Ai theksoi se lëndë kimike janë gjetur dhe janë duke u ekzaminuar.

Kancelari austriak Karl Nehammer, tha në një postim në rrjetin social X se “anulimi i koncerteve të këngëtares Taylor Swift nga organizatorët është një zhgënjim i hidhur për të gjithë adhuruesit e saj në Austri, por se duhej të merreshin masa para se te kthehej në një tragjedi.

“Situata rreth sulmit terrorist të planifikuar në dukje në Vjenë ishte shumë e rëndë. Falë bashkëpunimit intensiv mes policisë sonë me shërbimet e huaja, kërcënimi u identifikua herët, u luftua dhe u parandalua një tragjedi.”

Sipas Gazetës austriake Kronen Zeitung dyshohet se19-vjeçari është me origjinë nga Maqedonia e Veriut.