Keni bërë plane për fundjavën? Njihuni me parashikimin e motit, sa pritet të shkojnë temperaturat

 Për fundjavën që presim përpara vendi ynë do të vijojë të ndikohet nga kushte të qëndrueshme atmosferike për shkak të masave ajrore të thata dhe të nxehta me origjinë nga Afrika e Veriut.

Moti parashikohet i kthjellët në të gjithë territorin e vranësira fare të pakta kalimtare në relievet malore në lindje.

Era do të fryjë relativisht intensive dhe shpejtësi mesatare 3-9 m/s ndërsa përgjatë vijës bregdetare dhe zonat luginore ajo fiton shpejtësi 10-16 m/s duke u bërë relativisht problematike.

Ditën e shtunë temperaturat maksimale do të arrijnë deri në 37 gradë, ndërsa të dielë deri në 38 gradë. /vizionplus.tv