Këngëtarja “tradhëton” Berishën: Në dasmën e djalit të Ramës do këndoj “Myslym Pezën”
Mbrëmjen e të premtes, në emisionin Oktapod të Turjan Hyskës, ishte e ftuar Fatmira Breçani. Ajo njihet si një nga këngëtaret e preferuara të ish kryeministrit Sali Berisha. Ajo ka qënë e ftuar speciale si këngëtare dhe mike e familjes Berisha, në dasmën e vajzës së tij, Argitës. Gjatë bisedës me moderatorin ajo tregoi disa detaje interesante nga dasma.
“Doktorin e du shumë. Doktori nuk ka kercyer mesa mbaj mend unë, në dasmën e vajzës. I dinte këngët e mia dhe cohej na respektonte të gjithëve”
E pyetur nga Turi nëse do ta ftonte dhe Edi Rama në dasmën e djalit të tij, a do te shkonte, ajo pergjigjet e sigurtë: “Po shkoj, me gjithë qejf shkoj, do ja këndoja këngën e Myslym Pezës, pse jo”.
Këngëtarja ka folur edhe per vështirësite e profesionit të saj. Duke qënë se kishte 5 vëllezër në familje, ata ishin fanatike ne fillimet e Fatmirës si këngëtare, por sot ata krenohen me të.
Fatmira njihet si bilbili i këngëve të veriut. Në fund të intervistës ajo shpreh se në planet e saj muzikore është edhe një bashkëpunim me këngëtarë të jugut.
