Subscribe

Stacioni i dytë i maratonës “Këngë Moj” ishte qyteti i Elbasanit.

 

 

Pas ngritjes së siparit të këtij edicioni në bregdetin e jugut, stafi i Vizion Plus dhe promotor u ndal në qytetin e djepit të muzikës popullore, në Shqipërinë e Mesme.

 

 

Artistë të muzikës popullore e tradicionale por dhe asaj të lehtë u ngjitën në skenën e ngritur në sheshin e qytetit, ku performuan për afro dy orë.

 

 

VALBONA MEMA– KENGETARE

 

Shumë e lumtur se filloi maratona e këngës. Elbasani si gjithmonë fantastik.

 

 

 

MISHELA RRAPO – KENGETARE

 

Është hera e tretë që jam pjesë e maratonës.

 

 

 

FREDI SHEHU – KENGETAR

Çdo vit në Elbasan pritja ka qene spektakolare.

 

 

Emra të famshëm të këngës, por edhe artistë të rinj që kanë promovuar hitet e këtij sezoni, gjallëruan publikun elbasanas që nuk pushoi së kërcyeri nën ritmet muzikore.

 

 

“Aq kamë kërcyer sa jam kënaqur” u shpreh një zonjë e pranishme.

 

Një emocion i veçantë, qyteti i Elbasanit ishte dhe për një nga organizatorët e maratonës Këngë Moj, Pandi Laço si dhe prezantuesen Eva Murati.

 

 

PANDI LAÇO – ORGANIZATOR

 

Eventet që kemi pasur gjate këtyre vjetëve kanë qenë dy spektakle që janë pritur dhe të themi që dhe Vizioni ka pasur një feedback të mirë nga këto dy programe.

 

 

 

EVA MURATI – PREZANTUESE 

Unë jam në qytetin e Lindjes. Pak e dinë, por unë jam nga Elbasani dhe jam e lumtur.

 

 

Një kontribut të madh në organizimin e kësaj nate festive pati dhe Bashkia e Elbasanit, nën kujdesin e kryebashkiakut Gledian Llatja.

 

 

GLEDIAN LLATJA – KRYEBASHKIAK I ELBASANIT

Ne e duam muziken. E duam artin. E duam kulturen. E duam sportin. Po pergatitemi per te pasur nje sezon sportiv nga tetori. Por qe tani po behemi gati me te gjithe aktivitetet dhe formimin e skuadres se re qe ka kaluar nje kategori. Por i duam te gjitha.

 

 

Interesi i vazhdueshëm i  publikut te qyteteve dëshmon se Maratona “Këngë Moj”, vijon me jehonën dhe energjinë e lartë kudo ku shkon.

 

 

 

 

 

Leave a Reply

Your email address will not be published.