Këngë e valle në oborrin e sanatoriumit/ Mjekë e infermierë kërcejnë në ballkon

Një atmosferë ndryshe ka ardhur nga spitali covid 2 “Shefqet Ndroqi” paraditen e kësaj të mërkure.

Ansambli i Këngëve dhe Valleve popullore mbajti një koncert, në shenjë falenderimi për mjekët e infermierët, por edhe për pacientët, për t’i dhënë pak shpresë në betejën e tyre të vështirë me koronavirusin.

Bluzat e bardha dhe disa prej të shtruarve, shijuan për disa çaste muzikën nga ballkonet e dhomave të spitalit.

“Jam ende shumë i emocionuar, pasi këtu mund të ishte dhe një afërmi ynë. Jemi këtu për të treguar një vlerësim tëe madh për heronjtë që janë bluzat e bardha, si dhe për pacientët që po luftojnë me këtë sëmundje, për t’ju dhënë sado pak shpresë.”

Koncerti qe u mbajt me vetë iniciativën e ansamblit të këngëve dhe valleve vjen vetëm një ditë pasi në vend u shënua numri më i lartë i viktimave të pandemisë, me 19 humbje jete.

Aktualisht spitalet Covid 1 dhe 2 janë mbushura plot me paciente, të cilët po marrin trajtim të specializuar kundër Covid-19.