“Audi cup” është prone e Atletico Madrid dhe rol të madh në këtë sukses pati Kejdi Bare. Talenti shqiptar shënoi golin e vetëm të spanjolleve në barazimin 1 me 1 kundër Liverpool në finale e këtij turneu të përvitshëm, teksa pas barazimit në kohën e rregullt, tek 11-metershat ishte skuadra e Simeones që u tregua më e sakte.
Përpos kësaj, ajo që vlen të theksohet e që u komentua me nota shumë pozitive edhe nga mediat Iberike, ishte paraqitja e talentit të kombëtares kuqezi, Kejdi Bare. Pas afro 4 vitesh ne ambientin madrilen, mesfushori nga Fieri po fiton gjithnjë e më shumë vëmendjen e Diego Pablo Simeones. Ai luajti për herë të parë titullar me ekipin e parë te Los Kolconeros në finale e audi cup kundër Liverpul, në të majtë të mesfushës, duke luajtur 60 minuta tejet pozitive para se të zëvendësohej nga Antuan Griezman. Agresiviteti dhe aftësia për të luajtur në disa pozicione në skemat e “El Çolos” janë armet e forta të 19-vjeçarit Bare, i cili qershinë mbi tortë e vendosi në minutën e 33. Pas një aksioni të Versljkos nga e djathta, Korrea goditi por portieri Uard dhe shtylla e kthyen topin në loje, ku Kejdi Bare ishte i vëmendshëm dhe shënoi golin e avantazhit me kokë. Feste legjitime e një ylli në ngjitje që është gati për panoramën më të madhe futbollistike në Europe.
Sa i takon kronikes së ndeshjes, ishte Firminjo që barazoi në minutën e 82 për anglezet, por tek penalltitë, trofeu i takoi Atletico Madrid që i shënoi të 5 goditjet nga pika e bardhe, ndërsa për te kuqte i vetmi që gaboi ishte Henderson.
Nga ana tjetër në sfidën për vendin e trete, Napoli i dha goditjen e fundit Bajernit qe e luante këtë turne në shtëpinë e tij. Italianet fituan 2 me 0 falë golave te Kulibali dhe Xhakerinit, në një ndeshje ku Hysaj luajti në pjesën ë dytë si zëvendësues.
