Kazakistan, autobusi përfshihet nga flakët

52 persona humben jetën, pasi një autobus pasagjerësh u përfshi nga flakët. Ngjarja e rëndë ndodhi në Kazakistanin Veriperëndimor, mëngjesin e kësaj të enjteje.

Pesë persona, të cilët ndodheshin në mesin e pasagjerëve kanë arritur të shpëtojnë, ndërsa te tjerët nuk mbijetuan dot. Ministria e Shërbimeve të Emergjencës, tha për mediat vendase se në autobus ndodheshin 55 pasagjerë dhe dy shoferët.

Shkaqet e zjarrit vdekjeprurës janë ende të paqarta, ndërsa autoritetet po hetojnë për zbardhjen e plotë të ngjarjes.