Katër raste të reja me koronavirus në Maqedoninë e Veriut

Maqedonia e Veriut konfirmoi katër raste të reja me koronavirus, duke e çuar në 13 numrin e të infektuarve.

Presidenti Stevo Pendarovski pohoi se të hënën do të mblidhet Këshilli i Sigurisë mbi masat për përballimin e situatës, ndërsa ekziston mundësia e shpalljes së gjendjes së jashtëzakonshme.

Qytetarëve iu është bërë thirrje e vazhdueshme që të izolohen në shtëpi dhe të zbatojnë masat e Organizatës Botërore të Shëndetësisë për parandalimin e përhapjes së koronavirusit.

Ndërkohë, Kosova dhe Mali i Zi janë dy vendet e vetme nga Ballkani Perëndimor ku nuk janë shënuar ende të prekur me COVID-19.