Bashkia e Tiranës dhe Ambasada e Katarit në “Ditën Kombëtare të Sportit në Katar” kanë organizuar mini-kampionatin e basketbollit, me pjesëmarrjen e ekipeve të ndryshme të kryeqytetit.
Në fjalën e tij në këtë aktivitet kreu i Bashkisë së Tiranës Erion Veliaj, ka falenderuar Katarin për mbështetjen që jep në te tilla projekte zhvillimore per vendin tone.
“Jam shumë entuziast kur shoh çuna e goca që luajnë bashkë dhe që, edhe dinë të fitojnë, por edhe dinë të humbasin sepse jeta ka edhe fitore, edhe humbje. Rëndësi ka jo sa herë rrëzohemi, por sa herë ngrihemi, që të vazhdojmë lojën prapë dhe të dalim me sukses edhe në jetë, edhe në sport. Unë dua t’i falenderoj me gjithë zemër prindërit, mësuesit, trajnerët, edukatorët që na janë bashkuar në këtë organizim fantastik”.
Nga ana tjetër ambasadori i Katarit ka bërë thirrje të rinjve që të merren sa më shumë me sport, pasi sipas tij ka një rëndësi të madhe në shëndet dhe në fizik.
“Katari ka caktuar 12 shkurtin si Ditën e Sportit, ku administrata e shtetit e merr pushim dhe praktikojnë sportin. Sporti është shumë i shëndetshëm për trupin dhe fizikun e njeriut, prandaj në Katar festohet; kjo është hera e parë që festohet në Shqipëri dhe shpresojmë që të vazhdojmë edhe vitet e tjera”
Gjithashtu kryebashkiaku ka theksuar se ky bashkëpunim shërben për të forcuar me shumë marrëdheniet mes Dohes dhe Tiranës.
