KAS ka vendosur që të vijohet me numërimin e votave të Greqisë, duke rrëzuar kështu vendimin e KQZ, e cila vendosi për numërimim të veçantë të votave të diasporës në Greqi.
Ditën e djeshme, PD kërkoi që çdo zarf me fletë votimi që ka ardhur nga Greqia të vendoset mënjanë dhe të mos numërohet, pasi PD pretendon se nuk janë plotësuar nga votuesit, por persona të PS.
Në konferencë për mediat, kreu i KQZ, Ilirjan Celibashi tha se PD nuk ka dërguar asnjë provë për shkelje të ligjit me votat në Greqi. Por, gjithsesi Komisioni Qendror i Zgjedhjeve vendosi të pranonte kërkesën e Partisë Demokratike për të bllokuar procesin e numërimit të votave të diasporës nga Greqia, kërkesë e cila u rrëzua sot nga KAS./vizionplus.tv
