Komisioni i Ankimimeve dhe Sanksioneve rrëzoi koalicionin “Bashkë Fitojmë” për përsëritje të zgjedhjeve në Himarë. Hapja e kutive të materialeve zgjedhore vërtetoi se numri i himarjotëve që nuk votuan për shkak të dokumenteve të skaduara të identifikimit ishte më i ulët nga pretendimi i opozitës.
Dokumentet në kuti faktuan se zgjedhësve nuk iu mohua e drejta e votimit, edhe pse pajisja e identifikimit elektronik nuk ua njihte dokumentet si të vlefshme, kur ato ishin të tilla.
Pavarësisht këtyre provave të dala nga kutitë, koalicioni “Bashkë Fitojmë” do ta vazhdojë betejën në kolegjin zgjedhor. Opozita thotë se, përveç problemeve me dokumentet e identifikimit, qeveria manipuloi zgjedhjet për kryebashkiakun e Himarës me shtimin e numrit të popullatës me patronazhistë dhe shfrytëzimin e pushtetit siç ishte shpërndarja e lejeve të legalizimit./vizionplus.tv
