Kapet trafikanti italian i drogës

Një trafikant ndërkombëtar droge u arrestua ditën e shtunë nga policia kufitare e Rinasit. Sipas uniformave blu i prangosurI është 49-vjeçari Enrico Gazzo, nga Carrara e Italisë. Gjykata e Lartë në Peru, kishte caktuar ndaj tij masën e sigurisë “arrest me burg” për trafikim të lëndëve narkotike, pasi ai ishte përfshirë në një trafik ndërkombëtar të drogave te forta, në sasi të mëdha. Në vitin 2008, u sekuestruan në Peru më shumë se një ton kokainë, me vlere 350 milion euro. Sipas policisë italiane, ngarkesa e drogës do të mbërrite në portin detar të Livornos, ku porositësi ishte Enrico Gazzo. Uniformat blu të antidrogës në Shqipëri nuk bëjnë ende të ditur se sa kohë kishte që qëndronte në vendin tonë 49-vjecari. Ndërkohë Gazzo, kërkohej edhe nga drejtësia italiane, pasi ishte dënuar me 7 vite burg ne mungese.