Policia e Shkodrës finalizoi operacionin e koduar “Transaksioni”, duke arrestuar një shtetas i cili ishte shpallur në kërkim për shkak se ishte dënuar nga gjykata.
Olsi Boriçi, 41 vjeç u kap në banesë në lagjen “Skënderbeg”, në Shkodër.
Kapja dhe ndalimi tij u bë pasi Gjykata e Apelit Shkodër në vitin 2017, e ka dënuar me vendim të formës së prerë me 10 vite burg, për veprën penale “Vjedhje e bankave dhe arkave të kursimit”.
Ky shtetas në bashkëpunim me një shtetas tjetër duke qenë punonjës të një banke të nivelit të dytë kanë kryer disa transaksione në shuma të konsiderueshme parash pa miratimin e klientëve të kësaj banke dhe duke falsifikuar nënshkrimet e tyre kanë përfituar në mënyrë të paligjshme 28.000.000 lekë (të reja), këto veprime janë kryer në data të ndryshme të muajit shtator të vitit 2009.
