Një shtetas I shpallur në kërkim për plagosje është arrestuar në Shijak
Operacioni policor i koduar “Stadiumi” çoi në prangosjen e shtetasit Alvaro Jashari, 34 vjeç, banues në Shijak, i dënuar më parë për veprën penale “Vjedhja me dhunë”.
Ai është autori i dyshuar i plagosjes me armë zjarri të 28-vjeçarit, ngjarje e ndodhur te stadiumi në Shijak në 30 maj.
Në këtë ngjarje, pas një konflikti për motive të dobëta, i arrestuari ka plagosur me armë zjarri pistoletë shtetasin Enri Isai., 28 vjeç.
Forcat e policisë bëjnë të ditur se operacioni u zhvillua në kushte të larta sigurie pasi personi paraqiste rrezikshmëri shoqërore.