Kapet me drogë vëllai i kryepolicit

Një 47-vjeçar është arrestuar nga policia e Lezhës, pasi u kap me 320 gramë lëndë narkotike te dyshuar si kokainë. Në pranga ka rënë Pajtim Aga, banues në Tiranë. Ky i fundit, akuzohet për prodhim dhe shpërndarje të lëndëve narkotike. Policia sqaroi se droga u gjet e fshehur ne makinën me te cilën po udhëtonte Aga. Sipas policisë së Lezhës, arrestimi i tij u bë pas informacioneve të siguruara në rrugë operative. Ndërkohe, drejtues te PD ne Lezhe, thane se Pajtim Aga, është vëllai i Robert Ages, shef i komisariatit të policisë ne Peshkopi, i akuzuar nga opozita per blerje votash dhe kërcenim te votuesve ne zgjedhjet e pjesshme lokale.