Kapet me drogë, pranga shqiptarit në Janinë

Një shtetas shqiptar është arrestuar në Janinë nga policia greke pasi transportonte në automjetin e tij një sasi të madhe kanabis. Ngarkesa u zbulua nga qentë e antidrogës.

Një shqiptar ka rënë në prangat e policsë greke, pasi po transportonte me makinën e tij një sasi të madhe kanabisi. Lënda narkotike u gjet me ndihmën e qenit të zbulimit të drogës.

Ndalimi i tij është bërë në afërsi të Janinës, pasi në mjetin e tij u gjet një sasi e konsiderueshme kanabisi. U desh aktivizimi i qenit të zbulimit të drogës, që të gjendej sasia e lëndës narkotike. Në cilësi të provës material policia ka sekuestruar 41 paketa që përmbanin 43,8 kg kanabis, një shumë prej 735 eurosh si dhe dy telefona celularë.

I akuzuar për import, transport dhe trafik lëndësh narkotike, 32-vjeçari u dërgua në prokurorinë e Janinës.