Seksioni për Hetimin e Narkotikëve dhe Trafiqeve pranë Policisë së Vlorës kanë sekuestraur 3.3 kg kanabis ndërsa në pranga ka rënë një 19 vjeçar.
Pas informacioneve të marra në rrugë operative policia është vënë në ndjekje të një automjeti tip Opel Corsa që drejtohej nga 19 vjeçari L.M., banues në Orikum, Vlorë. Gjatë ndjekjes, 19 vjeçari ka tentuar që t’u largohet uniformave blu por që nuk ia ka dal dot.
Nga kontrolli i ushtruar në automjet, policia ka gjetur dhe sekuestruar 3.3 kilogramë lëndë narkotike e llojit kanabis sativa. 19 vjeçari akuzohet nga policia për veprën penale “Prodhimi dhe shitja e narkotikëve”.
.
