Policia e qarkut Korcë vazhdon prej javësh operacionin e koduar “Perimetri” duke goditur një tjetër rast të veprimtarisë kriminale në fushën e dhënies ndihmë shtetasve të huaj, për kalim të paligjshëm të kufirit kundrejt fitimit, me qëllim dërgimin drejt vendeve të BE-së.
Uniformat blu arrestuan në flagrancë një 38 vjecar që u kap duke transportuar 6 emigrantë të paligjshëm, si edhe duke drejtuar mjetin me leje drejtimi të dyshuar si të falsifikuar,
– L. SH., banues në fshatin Shtiqen, Kukës, i cili u kap nga shërbimet e policisë në afërsi të fshatit Gështenjas, Pogradec, duke transportuar me mjetin tip “Mitsubishi”, në drejtim të Tiranës, 6 emigrantë të paligjshëm, të cilëve kundrejt fitimit iu kishte premtuar kalimin e tyre drejt vendeve të BE-së. Gjatë kontrollit të dokumentacionit të tij, rezultoi se ky shtetas drejtonte mjetin me një leje drejtimi të dyshuar si të falsifikuar.
Ai akuzohet për veprat penale “Ndihma për kalim të paligjshëm të kufijve, kryer në bashkëpunim” dhe “Falsifikimi i letërnjoftimeve, i pasaportave ose i vizave”.
