Kapet kavajasi që shpërndante heroinë me biçikletë

Një 45 vjecar është arrestuar nga policia pasi akuzohet për shpërndarje të lëndeve narkotike në qytetin e Kavajës.

Prangosja e shtetasit me iniciale L.M. banues në këtë qytet u bë në kuadër të operacionit të koduar “Çiklisti”.

Gjatë momentit që po qarkullonte me biçikletë në lagjen Nr. 3 Kavajë ai është ndaluar nga shërbimet e Policisë dhe gjatë kontrollit fizik të ushtruar i janë gjetur disa doza me heroinë.

Në vijim është ushtruar kontroll në banesën e këtij shtetasi, ku janë gjetur doza të tjera me heroinë, një sasi lekësh e sende të tjera.

Janë sekuestruar në cilësinë e provës materiale: 125 gr lëndë e dyshuar narkotike heroinë, 36 700 lekë të përfituara nga shitja e lëndës narkotike, biçikletë, 2 aparate celulare, 2 karta banke dhe një peshore elektronike.