Kapet 17 kg drogë në Fier, Shkodër dhe Gjirokastër

17 kilogram lëndë narkotike kanabis sativa janë sekuestruar këtë të enjte në tre operacione nga policia e Fierit, Shkodrës dhe Gjirokastrës ndërkohë që në pranga kanë rënë 6 persona.
Në Fier janë sekuestruar 9 kilogram drogë, 3 kilogram në Gjirokastër dhe 5 kilogram në Shkodër.
Në Fier policia ka sekuestruar 9 kilogram lëndë narkotike kanabis sativa ndërkohë që ka vënë në pranga 17-vjeçarin Xh.B i cili e mbante lëndën narkotike të fshehur në banesën e tij.
Ndërsa në Lushnje Mihal Dhanës, 23-vjeç, në vendin e quajtur “Plasmasi” në një pikë kontrolli të ngritur nga punonjësit e Komisariatit të Policisë Lushnje është ndaluar automjeti tip Nisan Mikra me targa LU 8486 B, i cili drejtohej nga J.Dh dhe pasagjer Mihal Dhana kishte fshehur 3 doza lëndë narkotike të dyshuara Cannabis Sattiva.
Policia e Gjirokastrës ka sekuestruar sot 3 kilogram lëndë narkotike në një stan në fshatin Rehovë dhe ka vënë në pranga çobanin Nazmi Graçi, 54-vjeç
Gjatë kontrollit në stanin e tij efektivët blu kanë gjetur disa bimë të dyshuara narkotike në proces tharje, të cilat pas peshimit rezultuan me peshë totale 3 kg.
Ndërkohë, në Shkodër janë sekuestruar 5 kilogram lëndë narkotike dhe janë vënë në pranga dy persona dhe një tjetër është shpallur në kërkim.
Në pranga ka rënë Edmir Demiraj, 28-vjeç dhe Avni Kuçaj, 30-vjeç, gjithashtu është shpallur në kërkim dhe punohet për kapjen e A.SH. 18-vjeç.